(((((((((دعوة للحب)))))))

حلم طول عمري بحلم بيه ...


ان كلنا نعيش في عالم كله حب وسلام


فيه كل واحد يستحق انه يتقال عليه انسان مش مجرد بني ادم


الانسان هو اللي جواة معاني الانسانية الجميلة من حب وخير ووفاء وشهامة و....
لكن البني ادم هو الكائن اللي بيستسلم لشهواته وكل شئ عنده مباح طول ما هو عايش وبخير و كل الناس مش مهم..


فيها ايه مثلا لو الواحد نزل الشارع ملقاش فيه زباله مرمية يمين وشمال لان كل واحد فينا بيحب اللي حواليه وميرضاش ليهم انهم يشوفوا مناظر تؤذيهم ....


او مثلا بطلت العربيات تمشي بسرعة من غير كلاكسات علي الفاضي والمليان....


او شيخ كبير واقف مش عارف يعدي الشارع فييجي واحد ويمسك اديه ويعديه....


او حجة كبيرة في السن شايلة حاجات كتيرة واحد يشيلها منها ويوصلها لغاية بيتها..


اوبنت واقفة في ميكروباص وييجي شاب يقف علشان هي تقعد مكانه


او مثلا عربية واحد تعطل يلاقي شباب كتيرة واقفة معاه وبتساعده..


الجامع يكون مليان في رمضان وغير رمضان...


وحاجات كتيرة تانية لو فضلت اتكلم عنها موضوعي مش هيخلص


لو احنا دورنا علي سبب نحب بيه بعض هنلاقي 1000 سبب


ولو برضو دورنا علي سبب نكره بيه بعض هنلاقي 100000 سبب


تعالو نيجي من النهاردة نحب بعض ونسامح بعض (طبعا الناس اللي يستاهلو بس) وننسي كل المشاعر السلبية اللى جوانا من كره وحقد


عايز اعرف كام واحد هيحط ايده في ايدي علشان نخلي العالم اللي حوالينا عالم احسن من كدة شوية ...




اتمني مكونش طولت عليكم


ومنتظر تفاعلكم